Монголын Загасчлалын Спортын Холбоо нь 2012 оны 3-р сарын 22-ны өдөр Монгол улсад загасчлалын спортыг хөгжүүлэх, сурталчлах, тэмцээн уралдааныг зохион байгуулах зорилготойгоор байгуулагдсан. Олон улсын загасчлалын спортын нэгдсэн холбооны Олон улсын цэнгэг усны загасчлалын спортын холбоо, Олон улсын флай фишингийн холбоонд тус тус 2013 онд гишүүнээр элссэн.

МЗСХ нь олимпийн үзэл санааны дагуу гишүүдийнхээ дундах эв найрамдал, хамтын ажиллагааг хангаж ажиллах бөгөөд ижил зорилготой спортын, байгаль орчны, залуучуудын, аялал жуулчлалын гэх мэт байгууллагуудтай спортын хөгжил, гол ус, хүрээлэн буй орчныг хамгаалах зорилгоор нөхөрсгөөр харилцан ажиллана.